.: Mr. AYDIN JAFAROV :.

İkimiz də gecikdik...


Sən elə bir vaxtda rast gəldin mənə,

Qurumuş bulağam, bulanmış suyam...

Sən elə bir vaxtda rast gəldin mənə,

Oxunmuş nəğməyəm, çalınmış toyam.



Nə gücüm çatdı ki, səndən yapışım,

Nə gücüm çatdı ki, səndən qaçam mən...

Nə odum oldu ki, yanam, alışam,

Nə sehrim oldu ki, cavanlaşam mən...



Sən elə bir vaxtda rast gəldin mənə,

Ömrün payız vaxtı, xəzəl çağıydı...

Sən elə bir vaxtda rast gəldin mənə,

Sənin gəncliyinin gözəl çağıydı...



Nə deyə bildim ki, tutmaz sevdamız,

Nə deyə bildim ki, tutar bizimki...

Bizimdir səmada axan o ulduz,

O uzaqda itən qatar bizimdi...



Sən elə bir vaxtda rast gəldin mənə,

Dayanıb durmuşdum yol ayrıcında... 

Sən elə bir vaxtda rast gəldin mənə,

Bir üzüm cavandı, bir üzüm qoca...



Nə deyə bildim ki, sevən çağımdı,

Nə dedim sevirəm, mənə dayaq ol...

Nə deyə bildim ki, mənə yaxın dur,

Nə deyə bildim ki, məndən uza qol...



Sən elə bir vaxtda rast gəldin mənə,

Ömrün eşq badəsi içilmiş idi...

Sən elə bir vaxtda rast gəldin mənə,

Mənzilimin çoxu keçilmiş idi...



Nə deyə bildim ki, ürəksən mənə,

Nə deyə bildim ki, ürək deyilsən...

Nə deyə bildim ki, gərəksən mənə,

Nə deyə bildim ki, gərək deyilsən...



Sən elə bir vaxtda rast gəldin mənə,

Bu necə fəsildi, necə vaxt idi...

Sən elə bir vaxtda rast gəldin mənə,

Bu necə taleydi, necə bəxt idi...



Nə deyə bildim ki, pənahsızam mən,

Nə deyə bildim ki, pənah məndədir...

Nə deyə bildim ki, günahsızam mən,

Nə deyə bildim ki, günah məndədir...



Sən elə bir vaxtda rast gəldin mənə,

Özüm öz halıma gülmək istədim...

Sən elə bir vaxtda rast gəldin mənə,

Təzədən dünyaya gəlmək istədim...





09:38 / 01.12.2010

Oxşar xəbərlər

- Uşaqlarımızı böyüdən ifritələr
- Məmməd Araz: "Bacım Gülsümə məktub"
- YOL AYRICINDA SÖHBƏT
- Yeni il tənhalığı (Aqşin yenisey)
- Как мало тех, с кем хочется проснуться.
- Bu sevgi tükənən bir yol deyilmiş...
- UTANSIN
- Ramiz Rövşən:"Mən küsüb gedirəm..."
- Воздух и свет, время и пространство
- KIŞILƏR, ARVADLAR...
- Səhv düşəndə yerimiz
- Bağışla...
- Не торопитесь...
- My Love, My Sorrow...
- KEREM GİBİ
- Daha nagillara inanmiram mən
- Üç Kalp
- Ayrılıq
- Yaylığını yel aparır
- GECİKMİŞ MƏHƏBBƏT
- Vətən / RAMİZ RÖVŞƏN
- "Azad Qadın Heykəli" - Ramiz Rövşən
- Bircə Allah bilir nəyimsən mənim.
- Bəlkə də xoşbəxtik xəbərimiz yox…
- CEDDİN DEDEN (mehter marşı)
- İSTİKLAL MARŞI
- CEVİZ AĞACI
- BEN SENDEN ÖNCE ÖLMEK İSTERİM
- Ne Güzel Şey Hatırlamak Seni / Nazım Hikmet
- MELEK
- Жизнь - игра
- Реквием по мечте
- «Уходит жизнь в сплошное никуда...»
- ЭЛЕГИЯ «ВРЕМЯ»
- В ТАКУЮ ПОРУ ВСТРЕТИЛАСЬ ТЫ МНЕ…
    Cap et  Çap et